Agilitymascoguau

O Agility é moito máis ca un deporte canino: é unha forma divertida e saudable de fortalecer o vínculo co teu can, mellorar a súa obediencia e fomentar a súa autoestima. En Mascoguau ofrecémosche clases de Agility adaptadas a todos os niveis, desde iniciación ata perfeccionamento, nun ambiente positivo, respectuoso e cheo de boas enerxías.

Que é o Agility?
O Agility consiste en guiar ao teu can a través dun circuíto de obstáculos —valos, túneles, pasarelas, rodas…— no menor tempo posible e sen erros, sempre a través da comunicación e a cooperación. Non se trata só de velocidade, senón de traballo en equipo, concentración e diversión.

Beneficios do Agility para o teu can e para ti:

• Mellora a comunicación e a conexión emocional entre titor e can.
• Estimula física e mentalmente ao can, favorecendo o seu benestar integral.
• Aumenta a confianza e a seguridade no can.
• Favorece a obediencia de forma natural e divertida.
• Axuda a xestionar a enerxía dos cans máis activos ou nerviosos.
• Reforza o autocontrol e a capacidade de concentración.
• Contribúe á socialización saudable con outras persoas e cans.

A quen van dirixidas as nosas clases?
As clases están abertas a cans de todas as razas e tamaños, sempre que gocen dunha boa saúde física. Adaptamos os exercicios ás necesidades e posibilidades de cada binomio.

Vén probar unha clase e descubre todo o que o Agility pode achegar ao teu día a día con teu compañeiro!